Олон улсын хөдөлмөрийн байгууллагын 100 жил, хөдөлмөрийн асуудал хариуцсан төрийн захиргааны байгууллага бие даан байгуулагдсаны 60 жилийн ой энэ жил тохиож байгаа билээ. Үүний хүрээнд өнөөдөр буюу 2019-04-30-нд ХНХЯ, түүний харьяа байгууллагууд болон 21 аймаг өөр өөрийн нутаг дэвсгэртээ нэгэн зэрэг “Нээлттэй хаалганы өдөрлөг”-ийг зохион байгуулж байгаа юм. Энэ жишгийг дагаж аймгийн хөдөлмөр эрхлэлт, нийгмийн даатгал, халамж, ахмад настан, хүүхэд хамгаалал, залуучуудын хөгжил чиглэлээр үйл ажиллагаа явуулдаг төрийн байгууллагууд болох ХХҮГ, Эрүүл мэнд Нийгмийн даатгалын хэлтэс, ПТК, ГБХЗХГ хамтран Боржигин чуулгын талбайд “Нээлттэй хаалганы өдөрлөг” хийж хүрэлцэн ирсэн иргэдэд мэндчилгээ дэвшүүлж, санал бодлыг сонсож, иргэдэд нэг цонхны үйлчилгээгээр зөвлөгөө, лавлагаа өгөх үйлчилгээг үзүүллээ.