Иргэн төвтэй төрийн үйлчилгээний жилийн нээлтийг Шивээговь сумын “Малчдын зөвлөгөөн”-өөр эхэллээ. Зөвлөгөөнд аймгийн ХХААГ, МЭГ, Нийгмийн даатгалын хэлтэс, сумын ЗДТГ болон сумын 6 байгууллагын 18 албан хаагч 2018 оны ажлын тайлан, 2019 онд хийгдэх ажлаа танилцуулж, шинээр гарсан болон шинэчлэн өөрчлөгдсөн хуулиудаар мэдээлэл хийлээ. Уг арга хэмжээний үеэр хөдөө аж ахуйн бүтээгдэхүүнийг боловсруулан сумын иргэд болон сургууль, цэцэрлэг, эрүүл мэндийн төвийг мах, сүү цагаан идээгээр хангадаг 13 малчин эмэгтэйчүүдийг шагнаж урамшууллаа. Мөн малчдынхаа дунд “АХА” танин мэдэхүйн тэмцээн зохион байгуулж, соёлын төв урлагийн тоглолт, үдшийн цэнгүүнийг зохион байгууллаа.
