“Иргэн төвтэй төрийн үйлчилгээний жил”-ийн хүрээнд аймгийн хэмжээнд “Монгол цэргийн өдөр”, Зэвсэгт хүчний 98 жилийн ой, Монгол хүн сансарт ниссэний 38 жилийн ойн баярыг тэмдэглэн өнгөрүүлэх, иргэн цэргийн харилцааг бэхжүүлэх, батлан хамгаалахын эрх зүйн шинэчлэлийг орон нутагт хэрэгжүүлэх ажлыг зохион байгуулах зорилгоор “Батлан хамгаалахын эрх зүйн шинэчлэл”-ийг эрчимжүүлэх 14 хоногийн аяныг 2019 оны 03 дугаар сарын 04-ний өдрөөс 2019 оны 03 дугаар сарын 18-ны өдрийг хүртэл зохион байгууллаа.
Аяны хүрээнд 2019 оны 03 дугаар сарын 01-ний өдөр “Монгол хурандаа” нийгэмлэгийн төлөөлөл аймгийн Төрийн цэргийн байгууллагын нийт бие бүрэлдэхүүнтэй лекц, ярилцлага хийлээ.
2019 оны 03 дугаар сарын 18-ны өдөр Монгол цэргийн өдрийн баярын хурлыг хийж тус аяны хүрээнд зохион байгуулагдсан тэмцээнүүдийн шилдгүүдийг тодрууллаа.
ЕБС-ийн дунд, ахлах ангийн сурагчдын дунд “эссэ” бичлэгийн уралдааныг зохион байгуулж шилдгүүдээ тодрууллаа.
Мөн төрийн болон төрийн цэргийн байгууллагуудын албан хаагчдын дунд цэрэг-спорт цогцолбор тэмцээнийг 8 төрлөөр зохион байгууллаа. Уг тэмцээнд Цагдаагийн хэлтсийн “Шонхор 1” баг тэргүүн байр эзэлж Говьсүмбэр аймаг дахь “Уул уурхайн жишиг сургууль Политехник коллежийн баг”, “Улаанбаатар төмөр замын Цэрэгжүүлсэн хамгаалалт, Онцгой байдлын алба” тус тус удааллаа.
Баярын хурлын үеэр Батлан хамгаалах сайдын тушаалаар “Дайчин алдар – III” медалиар 1, “Эх орны төлөө – III” тэмдгээр 1 албан хаагчыг шагнаж урамшууллаа. Мөн 4 албан хаагчид цол нэмлээ.