“Монгол улсын 10 аймгийн төвийн дулаан хангамжийг сайжруулах төсөл”-ийн хүрээнд хийгдэж байгаа аймгийн төвд дулааны станц барьж ашиглах төслийн байгаль орчин, нийгмийн нөлөөллийн нарийвчилсан үнэлгээг БНСУ-ын “Ёошин” консорциум, “Эко Трейд” ХХК-ний хамтран гүйцэтгэж, үнэлгээний танилцуулга, олон нийтийн нээлттэй хэлэлцүүлгийг 2019 оны 03 дугаар сарын 15-ны өдөр Чойр хотноо зохион байгууллаа.
ТЭЗҮ-ээр манай аймгийн төвд 20 Гкал/цаг хүчин чадалтай дулааны станц баригдах бөгөөд тус төслийн хүрээнд 7.5 км дулааны шугам, 5 дулаан дамжуулах төв баригдахаар төлөвлөгдсөн байна.
Тус дулааны станцын зээлийн гэрээ 2018 оны 12 дугаар сарын 26-ны өдөр баталгаажсан. Энэ онд барилгын зураг төслийн ажлыг гүйцэтгэгийг сонгон шалгаруулах ажил хийгдэж байгаа бөгөөд зураг төслийн ажлыг гүйцэтгүүлж, барилга угсралтын ажлыг гүйцэтгэгчийг сонгон шалгаруулан ажлыг эхлүүлэхээр төлөвлөн ажиллаж байгаа юм байна.
