Үндэсний хөгжлийн газар, Барилга, хот байгуулалтын яам, Аймгийн Засаг даргын Тамгын газар, Монгол Улсын Их сургуулийн Эдийн засгийн хүрээлэнгийн эрдэмтэн судлаачидтай хамтран 2019 оны 03 дугаар сарын 15-ны өдөр “Эдийн засгийн бүсчилсэн хөгжлийн бодлого” хэлэлцүүлгийг амжилттай зохион байгууллаа. Хэлэлцүүлэгт Үндэсний хөгжлийн газрын дарга Б.Баярсайхан, Аймгийн Засаг дарга Г.Батсуурь, БХБЯ-ны Хот байгуулалт, газрын харилцааны бодлого хэрэгжилтийг зохицуулах газрын дарга Б.Гүнболд нар хэлэлцүүлгийг нээж үг хэлсэн. Хэлэлцүүлэгт төрийн, төрийн бус байгууллага, иргэдийн төлөөллөөс нийт 268 иргэнийг хамруулсан. Хөгжлийн бодлого төлөвлөлтийн тухай хууль, Тогтвортой хөгжлийн үзэл баримтлал-2030 бодлогын бичиг баримтын хүрээнд аймгийн урт, дунд хугацааны бодлогыг боловсруулах зорилготой хэлэлцүүлгээс гарсан бүсчилсэн хөгжлийн бодлогын баримт бичигт тусгах санал, дүгнэлтийг Үндэсний хөгжлийн газраас Салбарын хөгжлийн бодлого, зохицуулалтын газрын дарга Д.Эрдэнэбаяр танилцуулснаар тухайн хэлэлцүүлэг өндөрлөсөн.