Олон Улсын эмэгтэйчүүдийн эрхийг хамгаалах өдрийг тохиолдуулан Аймгийн тусгайлсан чиг үүрэг бүхий байгууллагуудын эмэгтэй алба хаагчдын дунд “МӨРДӨСТЭЙ БҮСГҮЙ” арга хэмжээг Цагдаагийн хэлтэс, Аймгийн Хууль зүйн хэлтэстэй хамтран зохион байгууллаа.
Уг арга хэмжээнд Говьсүмбэр аймаг дахь Цагдаагийн хэлтэс, Онцгой байдлын газар, Шүүхийн шинжилгээний алба, ШШГ Хорих 425-р нээлттэй ангийн эмэгтэй алба хаагчид оролцлоо.
Арга хэмжээний нээлтэд Аймгийн засаг даргын орлогч Ш.Билэггүмбэрэл, Хууль зүйн хэлтсийн дарга Д.Магвансүрэн, Цагдаагийн хэлтсийн дарга, цагдаагийн дэд хурандаа Х.Бат-Очир нар оролцож нийт мөрдөстэй бүсгүйчүүддээ баяр хүргэлээ.
Арга хэмжээний үеэр нийт бүсгүйчүүдийн дунд ширээний теннисний тэмцээн зохион байгуулж 1- р байранд ШША-ны дэслэгч Б.Ууганцэцэг, 2-р байранд ЦХ-н ахлах ахлагч Ө.Эрдэнэдалай, 3-р байранд ЦХ-н дэслэгч А.Дэлгэрмаа нар орлоо.
