Барилгын салбарт Хөдөлмөрийн аюулгүй байдал Эрүүл ахуйн тухай хуулийн хэрэгжилт, осол гэмтлээс урьдчилан сэргийлэх ажлыг зохион байгуулах ажлын хүрээнд 2019 оны 01 дүгээр сарын 22-ний өдөр Уул уурхайн жишиг сургууль Политехникийн коллежтой хамтран барилгын материал үйлдвэрлэгч, барилга угсралтын чиглэлээр үйл ажиллагаа эрхлэгч байгууллагуудын ХАБЭА хариуцсан ажилтнуудад зориулсан анхан шатны сертификат олгох 1 өдрийн сургалтыг зохион байгууллаа. Сургалтад төрийн өмчит болон хувийн хэвшлийн 7 байгууллагын 14 ажилтан хамрагдсан бөгөөд, тодорхой дадлага сургууль хийх боломжтой орчин нөхцөлд, мэргэжлийн багшаар заалган, орон нутагтаа зардал мөнгө хэмнэн мэдлэг, мэргэшлээ дээшлүүлсэн ач холбогдол сайтай сургалт боллоо.