Онцгой байдлын газрын даргын баталсан “Бие бүрэлдэхүүний бэлтгэл бэлэн байдлыг шалгах удирдамж”-ийн дагуу Онцгой байдлын газрын бие бүрэлдэхүүний бэлтгэл бэлэн байдлыг дээшлүүлэх, хүч хэрэгслийн бэлэн болох хугацааг тодорхойлох, цагийн байдалд үүрэг гүйцэтгэх чадавхыг нэмэгдүүлэх, гамшиг, аюулт үзэгдэл, ослын үед хариу арга хэмжээг шуурхай зохион байгуулж хор уршгийг богино хугацаанд арилгах дадлага эзэмшүүлэх зорилгын хүрээнд 2019 оны 01 дүгээр сарын 25-ны өдөр аймгийн цэнгэлдэх хүрээлэнгийн хойд талд “ЯЦ” дохиогоор ажиллалаа. Бэлэн байдлын үзлэг шалгалтад Онцгой байдлын газар, Улсын нөөцийн салбар, Гал түймэр унтраах, аврах 37 дугаар ангийн алба хаагчид хамрагдлаа. Бэлтгэл бэлэн байдлын үзлэгээр хүн нэг бүрийн хээрийн үүргэвч, офицер бүрэлдэхүүний офицер цүнхний иж бүрдлийн бэлэн байдлыг үзлэгийг хийж, автомашин техникийн бэлэн байдлыг шалган, зөрчил дутагдлыг нэн дагуу арилгах талаар үүрэг чиглэл өглөө.
