УЛСЫН БҮРТГЭГЧ ЗӨВЛӨЖ БАЙНА
ХЯНАЛТЫН УЛСЫН БАЙЦААГЧ З.БАЯНДУГАР:
ИРГЭД, АЖ АХУЙН НЭГЖ, ТӨРИЙН БАЙГУУЛЛАГУУДЫН АНХААРАЛД:
Зөрчлийн тухай хуулийн 15.23 дугаар зүйл. Улсын бүртгэлд бүртгүүлэх журам зөрчих.
1. Улсын бүртгэлд бүртгүүлэхээр мэдүүлэг гаргагч:
1.1.Хуульд заасан үүргээ биелүүлээгүй бол:
1.2. Хуульд заасан улсын бүртгэлийн мэдүүлэг, өргөдөл, хүсэлт, хавсаргасан нотлох баримтыг үнэн зөв мэдүүлээгүй бол учруулсан хохирол, нөхөн төлбөрийг гаргуулж хүнийг 50 нэгжтэй тэнцэх хэмжээний төгрөгөөр, хуулийн этгээдийг 500 нэгжтэй тэнцэх хэмжээний төгрөгөөр торгоно.
Мөн энэ хэсэгт “Хуулийн этгээдийн мэдээлэлд оруулсан өөрчлөлтийг бүртгүүлэх хугацаа” орно.
Хуулийн этгээдийн улсын бүртгэлийн тухай хуулийн 10.3. Энэ хуульд өөрөөр заагаагүй бол энэ хуулийн 10.1-д заасан мэдээлэлд нэмэлт өөрчлөлт оруулах тухай шийдвэр, бусад баримт бичгийг тухайн хуулийн этгээд ажлын 15 хоногийн дотор улсын бүртгэлийн байгууллагад хүргүүлнэ.
10.4-д Эрх бүхий төрийн байгууллагаас зөвшөөрөл авч бүртгүүлдэг өөрчлөлтийн хувьд тухайн байгууллагын зөвшөөрөл олгосон шийдвэрийг хүлээн авсан өдрөөс хойш ажлын 15 өдрийн дотор улсын бүртгэлийн байгууллагад хүргүүлнэ.
Иймд хуулийн хугацаандаа бүртгүүлж, зөрчил гаргахгүй байхыг зөвлөж байна.
