Говьсүмбэр аймгийн Хөдөлмөр, нийгмийн зөвшлийн гурван талт 2017-2018 оны хамтын хэлэлцээрийг дүгнэх уулзалтанд төрийн байгууллагууд, аймгийн Үйлдвэрчний эвлэлийн холбоо, аймгийн Ажил олгогч эздийн холбооны төлөөллүүд оролцлоо.
Төрийн бодлого шийдвэр гаргах үйл ажиллагаанд иргэний нийгмийн байгууллагуудын оролцоог бүхий л түвшинд тэгш байх зарчмыг барьж ажиллаж байна. Энэ бодлогынхоо хүрээнд Хөдөлмөр нийгмийн зөвшлийн гурван талт хамтын хэлэлцээрийг байгуулан, дүгнэж ажиллалаа.
Аймгийн Засаг даргын Тамгын газар, Мэргэжлийн хяналтын газар, Хөдөлмөр, халамжийн үйлчилгээний газар, Нийгмийн даатгалын хэлтэс, аймгийн Ажил олгогч эздийн холбоо, Үйлдвэрчний эвлэлийн холбоо зэрэг байгууллагууд гэрээний биелэлтийн талаар тайлан тавьж, хэлэлцүүллээ. Хөдөлмөр, нийгмийн зөвшлийн гурван талт 2017-2018 оны хамтын хэлэлцээр нийт 5 зорилтын хүрээнд 52 арга хэмжээг төлөвлөж хэрэгжүүлсэн. Үүнд:
- Хөдөлмөр эрхлэлтийн чиглэлээр 15 арга хэмжээ
- Цалин хөлс, хөдөлмөрийн харилцаа, нийгмийн хамгааллын асуудлаар 20 арга хэмжээ
- Нийгмийн түншлэлийг хөгжүүлэх асуудлаар 7 арга хэмжээ
- Хөдөлмөрийн аюулгүй ажиллагаа, эрүүл ахуйн асуудал 6 арга хэмжээ
- Хүнийг хөгжлийг дэмжих чиглэлээр 4 арга хэмжээг хэрэгжүүлсэнээр төлөвлөгөөний
хэрэгжилт 82 хувийн биелэлттэй дүгнэгдэж, уулзалтанд оролцсон төлөөллүүд 2019-2020 оны Хөдөлмөр, нийгмийн зөвшлийн гурван талт хамтын хэлэлцээрт тусгах саналаа өгч ажиллалаа.
