Говьсүмбэр аймгийн Цагдаагийн хэлтсээс 2019 оны 01 дүгээр сарын 05-аас 01 дүгээр сарын 18 хүртэл 14 хоногийн хугацаанд “Сар шинэ” нэгдсэн арга хэмжээг зохион байгуулж ажиллаа. Тус арга хэмжээний хүрээнд аймгийн ЦТС, Төрийн банк, Онцгой байдлын газар, УС-ДУ ОНӨҮГ-ын ажилчдад “Гэмт хэргээс урьдчилан сэргийлэх, Зөрчлийн тухай хууль, Замын хөдөлгөөний шинэчилсэн дүрэм” -ээр сургалтыг зохион байгуулж, гарын авлага, сэрэмжлүүлэг хүргэлээ. Мөн Сүмбэр сумын нутаг дэвсгэрт үйл ажиллагаа явуулдаг PC цахим тоглоомын газруудад үзлэг шалгалтыг зохион байгуулж, цахим донтолтоос урьдчилан сэргийлэх чиглэлээр гарын авлага бэлтгэн түгээлээ.
Дээрх арга хэмжээг зохион байгуулсан 14 хоногт нийт 32 гомдол мэдээлэл бүртгэгдсэн нь өмнөх 14 хоногийн үзүүлэлттэй харьцуулахад гэмт хэргийн шинжтэй гомдол мэдээлэл 10-аар буюу 50 хувиар, зөрчлийн шинжтэй гомдол мэдээлэл 8-аар буюу 26,6 хувиар, нийт хүлээн авсан гомдол мэдээлэл 18-аар буюу 36 хувиар буурсан үзүүлэлттэй байна.