Аймгийн Онцгой Комиссын мэргэжлийн байгууллагуудын бүрэлдэхүүн өнөөдөр аймгийн Засаг даргын орлогчийн өрөөнд хуралдаж дараах үүргийг хэрэгжүүлэхийг үүрэг болголоо. Үүнд
1. Сүмбэр, Шивээговь сумын Засаг дарга нарт: Сүмбэр сумын иргэн Өсөхбаяр, Дэлгэрсайхан, Чулуунбат Энхболд нарын нийт 75 гахайг яаралтай хашиж, хөдөлгөөнийг хорих арга хэмжээг авч хэрэгжүүлэх.
2. Эрчимсэн мал аж ахуйн бүс болон хогийн цэг орчмын айлуудын хашаалаагүй үлдсэн гахай байгаа эсэхэд тандалт судалгаа хийх зорилгоор “Дрон” нисгэх.
3. Гахайн эзэдтэй боломжтой бол уулзах, боломжгүй бол утсаар холбогдож африкийн гахайн мялзан өвчнөөс урьдчилан сэргийлэх тэмцэх өвчилсөн тохиолдолд устгах арга хэмжээ авах, устгалын дараа ямар нэгэн нөхөн төлбөр олдохгүй гэдгийг ойлгуулах, заавар зөвлөмжийг тараах.
Говьсүмбэр аймгийн хэмжээнд албан ёсны судалгаа, тулгалтын дараах байдлаар Сүмбэр суманд одоогийн байдлаар 15 байрлалд 218 амьд гахай, Шивээговь суманд 3 байрлалд 43 гахай нийт аймгийн хэмжээнд 261 гахай байгаа гэсэн албан ёсны дүн мэдээ гарсан байна.