Аймгийн спортын салбар холбоодын тэргүүн болон дасгалжуулагч багш нарт мэргэжил арга зүйн зөвлөгөө өгөх сургалт, зөвлөгөөнийг 2019 оны 01 сарын 10-нд Аймгийн ЗДТГ-ын Иргэний танхимд зохион байгууллаа. Зөвлөгөөнд Аймгийн Засаг дарга Г.Батсуурь, 3-н Сумдын Засаг дарга нар, Нийгмийн бодлогын хэлтсийн дарга С.Уранчимэг, НБХэлтсийн спорт хариуцсан мэргэжилтэн Б.Сүхбаатар нар оролцлоо. Зөвлөгөөнд аймгийн хэмжээнд үйл ажиллагаагаа явуулж буй спортын 17-н салбар холбоод оролцсон. Зөвлөгөөнөөр 2019 онд зохион байгуулагдах Хүүхдийн спортын их наадмын заавар, 2019 онд зохион байгуулах, оролцох тэмцээн уралдааны төлөвлөгөөнүүдийг танилцуулсан. 2018 онд тэмцээн уралдаанд оролцсон байдал, цаашид хэрхэн анхаарч ажиллах талаар мэдээлэл, зөвлөмж өгсөн.
Зөвлөгөөний үеэр Иргэдийн спортын их наадмын хүрээнд олгох Спортын хэрэглэл, материалыг Сумдын Засаг дарга нарт гардуулж өгсөн. Спортын холбоод Спортын хэрэглэл материалаар дэмжлэг үзүүлсэн. Нийт 3-н сумд болон 11 спорт холбоодод 5,8 сая төгрөгийн хэрэглэл материалыг олгосон.
Биеийн тамир, спортын газар салбар холбоодын тэргүүнүүдтэй хамтын ажиллагаа, тэмцээн уралдаанд оролцох төсвийн зардлын гэрээг байгуулсан.