Он гарсаар Булган, Төв, Дундговь, Орхон зэрэг дөрвөн аймагт Африкийн гахайн мялзан өвчин илэрч, хурдацтайгаар тархаж байгаа тул, энэ өвчнөөс урьдчилан сэргийлнэ үү. – Гарал үүсэл нь тодорхой бус амьд гахайг бусад гахайн сүрэгт нийлүүлэхгүй байх – Гахайн аж ахуй эрхлэгчид гахайн байр, хашааг сайтар цэвэрлэж, тогтмол халдваргүйжүүлэлт хийх. – Тэжээвэр гахайг байнга хараа хяналтдаа байлгаж, хүн амын хөдөлгөөн ихтэй хот суурин газраар бэлчээхгүй байх. – Гахай болон хашаа хороо, хоол тэжээлийн ялгадастай харьцсаны дараа хувийн ариун цэврийг сайтар сахиж, өмссөн гутал, хувцсыг халдваргүйжүүлэх – Гахайн мах, түүний эд эрхтнийг хоол хүнсэндээ хэрэглэхдээ бүрэн гүйцэд боловсруулж хэрэглэх – Хэрэв танай гахайн сүрэг шалтгаангүй олноороо үхэх, хэт өндөр халуурах шинж тэмдэг илэрвэл яаралтай эмнэлгийн байгууллагад хандан уу.
ОНЦГОЙ БАЙДЛЫН ГАЗАР