Говьсүмбэр аймгийн Улсын бүртгэлийн хэлтсээс “Төрийн үйлчилгээ таны гэрт” буюу “Улсын бүртгэлийн дуудлагын үйлчилгээ”-г санаачлан Монгол Улсад анх удаагаа үйлчилгээндээ нэвтрүүллээ. Иргэн хүндэтгэх шалтгааны улмаас өөрийн биеэр үйлчилгээний танхимд очих боломжгүй бол тус хэлтсийн 70543306 утсаар холбогдож, авах үйлчилгээний төрөл, очих боломжгүй байгаа шалтгаан, өөрийн мэдээллийг өгснөөр Улсын бүртгэлийн хэлтэс уг мэдээллийг шалгаж иргэний хаягаар очиж үйлчлэх юм. Тус хэлтсээс 7 хоног бүрийн лхагва гарагийг “Улсын бүртгэлийн дуудлагын үйлчилгээ”-г үзүүлэх өдөр болгоод байна. Өмнө нь Цагдаа, эмнэлгийн түргэн тусламж, гал команд л иргэний дуудлагаар очдог байсан бол одоо Говьсүмбэр аймгийн Улсын бүртгэлийн хэлтэс таны дуудлагаар таны гэрт очих нь ээ.
