Аймгийн Засаг даргын 2016-2020 онд хэрэгжүүлэх үйл ажиллагааны хөтөлбөрт Зорилтот бүлгийн хөдөлмөр эрхлэлтийг дэмжиж, нийгмийн халамжийн бодлогыг хэрэгжүүлэн ядуурлыг бууруулах зорилт тусгагдсан. Энэ ажлын хүрээнд аймгийн Засаг даргын Тамгын газар, Дэлхийн зөн Олон улсын байгууллага хооронд 2018 оны 02-р сарын 09 нд харилцан ойлголцлын санамж бичигт гарын үсэг зурсан.
Хүүхэд, гэр бүлийн сайн сайхан байдлыг орон нутагт тогтвортойгоор бий болоход хувь нэмрээ оруулах зорилгоор Дэлхийн Зөн ОУБ-ын санаачилсан өрхийн амьжиргааг дээшлүүлэх зорилгоор Сүмбэр сумын 120 өрх сонгогдож, эдгээр өрхүүдийг 3 жилийн хугацаанд хөгжүүлэх аян юм.
Энэхүү аяны хүрээнд сонгогдсон өрхүүд маань өрхийн орлогоо нэмэгдүүлэх үйл ажиллагаанд оролцож, санхүүгийн боловсролоо дээшлүүлэн, хандлага, сэтгэлгээ, гэр бүлийн харилцаа, хүүхэд хамгаалал, дундын хуримтлалын бүлгийн сургалтууд, болон эрүүл мэнд, боловсрол, хөдөлмөр болон халамжийн үйлчилгээнүүдэд хамрагдан амьжиргаагаа дээшлүүлэх боломжтой болно.
Аяны үйл ажиллагаанд аймаг, сумын удирдлагууд, “Хамтдаа хөгжье” аяны ажлын хэсгийн гишүүд оролцлоо.