Санхүү, төрийн сангийн хэлтэс болон Нийгмийн бодлогын хэлтсийн харъяа агентлагуудын хамтарсан иргэдэд үйлчлэх нээлттэй өдөрлөг 2018 оны 05 дугаар сарын 11-ний өдөр Баянтал суманд, 2018 оны 05 дугаар сарын 12-ны өдөр Сүмбэр суманд тус тус зохион байгуулагдлаа.
Уг өдөрлөгт Санхүү, төрийн сангийн хэлтсийн зүгээс санхүү, төсвийн талаар иргэдэд мэдээлэл хүргэх, орон нутгийн төсвийн зарцуулалт, санхүүжилтийн талаар танилцуулах, гарын авлага тараах, “Санхүүгийн боловсрол” аяны хүрээнд иргэд болон ерөнхий боловсролын дунд сургуулийн сурагчдад мэдээлэл хүргэх зэрэг үйлчилгээг үзүүллээ.
Аймгийн Татварын хэлтсээс иргэдэд татварын хууль тогтоомж сурталчлах, гарын авлага тараах, АТӨЯХАТ төлөх, ТТИОТБ-ийн цэнхэр дэвтэр олгох, еbarimt.mn-д НӨАТ-ын баримт бүртгүүлэхэд мэдээлэл зөвлөгөө өгөх болон татвар төлөгчдөд зориулсан “Татварын хишиг” дууны нээлт, “АХА” тэмцээн зэрэг үйл ажиллагаанууд зохион байгууллаа.
Эрүүл, мэнд нийгмийн даатгалын хэлтсээс иргэдэд хууль тогтоомж, түүнд орсон нэмэлт өөрчлөлтийн талаар сурталчлан таниулах, гарын авлага тараах, эрүүл мэнд болон нийгмийн даатгалын дэвтэр нээх, сайн дурын даатгалын шимтгэл төлөлт, баталгаажуулалт хийх, тэтгэвэр тогтоолт, олголт, НДШ-ийн тайлан гаргах, ажилгүйдлийн тэтгэмж, түүнийг тогтоон олгох талаарх мэдээлэл, зөвлөгөөг тус тус хүргэж ажиллаа.
Аймгийн Статистикийн хэлтсээс Статистикийн мэдээ, мэдээллүүд танилцуулах, хүмүүст өөрсдийнх талаарх “Сонирхолтой статистик” мэдээллийг гарган танилцууллаа.
Аймгийн Санхүүгийн хяналт, аудитын албанаас иргэдэд санхүү, төсвийн талаарх мэргэжил аргазүйн зөвлөгөө өгөх, шилэн дансны мэдээллийг хэрхэн оруулах, мэдээлэл хэрхэн авах талаар зөвлөгөө агч ажиллаа.
Мөн Санхүүгийн зохицуулах хорооны зохицуулалтын хүрээний байгууллагууд болох “Монгол даатгал”, “Ард даатгал”, “Бодь даатгал”, “Миг даатгал”-ын Говьсүмбэр аймаг дахь салбарууд болон үүрэн холбооны оператор “Мобиком”, “Жи мобайл”, “Скайтель”, “Юнитель”-ийн салбаруудын зүгээс өөрсдийн бүтээгдэхүүн, үйлчилгээгээ сурталчлан танилцуулж, нэг дороос үйлчилгээ үзүүлж ажиллалаа.
“Олон нийтийн санхүүгийн суурь мэдлэгийг дээшлүүлэх хөтөлбөр”-ийн хүрээнд Аймгийн Санхүү, төрийн сангийн хэлтсээс Санхүүгийн зохицуулах хорооны зохицуулалтын хүрээний байгууллагууд болох “Бодь даатгал”, “Монгол даатгал”, “Миг даатгал”, “Ард даатгал”-ын салбаруудтай хамтран ерөнхий боловсролын сургуулийн сурагчдын санхүүгийн боловсролыг нэмэгдүүлэх, хувь хүний болон өрхийн санхүүтэй холбоотой зөв дадлыг амьдралдаа хэвшүүлэхэд нь дэмжлэг үзүүлэх зорилгоор “Гар зураг”, “Эссэ бичлэг”-ийн уралдааныг амжилттай зохион байгуулж шагнаж урамшууллаа. “Гар зураг”-ийн уралдаанд:
1-р байр – Сүмбэр сумын 5-р сургуулийн 3А ангийн сурагч Э. Сумъяабазар
2-р байр – Баянтал сумын 4-р сургуулийн 6А ангийн сурагч Ч. Амарсайхан
3-р байр – Баянтал сумын 4-р сургуулийн 6А ангийн сурагч С. Бүрэнтулга
“Эссэ бичлэг”-ийн уралдаанд:
1-р байр – Сүмбэр сумын 1-р сургуулийн 12В ангийн сурагч Б. Ариунзаяа
2-р байр – Сүмбэр сумын 1-р сургуулийн 8Б ангийн сурагч Б. Шинэжаргал
3-р байр – Сүмбэр сумын 5-р сургуулийн 12Б ангийн сурагч М. Анударь
Тусгай байр – Сүмбэр сумын 2-р сургуулийн 10А ангийн сурагч М. Ариунтуул нар шалгарлаа.