Говьсүмбэр аймгийн Уул уурхайн жишиг сургууль Политехник коллеж, Ерөнхий боловсролын сургууль, Цэцэрлэгүүдийн 2017-2018 оны шинэ хичээлийн жилийн нээлтийн ажиллагаа аймгийн хэмжээнд нэгэн цаг дор болж өндөрлөлөө.
Аймгийн Засаг дарга Г.Батсуурь, аймгийн Засаг даргын Тамгын газрын Нийгмийн бодлогийн хэлтсийн дарга С.Уранцэцэг нар Ерөнхий боловсролын Тавдугаар сургууль болон Уул уурхайн жишиг сургууль Политехник коллежийн шинэ хичээлийн жилийн нээлтийн үйл ажиллагаанд оролцож хойч ирээдүй болсон оюутан, сурагч багачууд нартаа мэндчилгээ дэвшүүлэн эрдэмтэн багш нартаа сурган хүмүүжүүлэх их үйлсэд нь амжилтыг хүслээ.
2017-2018 оны хичээлийн жилд аймгийн хэмжээнд Төрийн 5 цэцэрлэг, хувийн хэвшлийн 5 цэцэрлэг, 5 сургуульд таван мянга гаруй хүүхэд сурч хүмүүжихээр байгаа бол Уул уурхайн жишиг сургууль Политехникийн коллежид уул уурхайн 15 мэргэжлээр 700 гаруй оюутан суралцах бөгөөд энэ жил 410 оюутан энэ хичээлийн жилд шинээр элсүүлэх төлөвлөгөөтэй байгаа юм байна.
