Төв суурин газрын хүн амын хаврын улирлын махны хэрэгцээг хангах, махны хомсдол, үнийн хөөргөдөл үүсгэхгүй байх, үнийг тогтворжуулах зорилгоор аймгийн Засаг даргын нөөц хөрөнгөөс 30 тн, хонь, ямааны махыг Сүмбэр буянт ХХК, Очир мөнх хайрхан ХХК-нуудтай гэрээ байгуулан махны нөөцийг бэлтгэсэн.
Нөөцийн мах бэлтгэсэн аж ахуйн нэгжүүдтэй аймгийн Засаг дарга Г.Батсуурь уулзалт зохион байгуулж, 2024 оны 05 дугаар сарын 01-ний өдрөөс эхлэн худалдаанд гаргах, худалдаалах үнийг гэрээний дагуу зах зээлийн үнээс 2000 төгрөгөөр хямдруулан худалдах, борлуулах цэгийг иргэдэд хүртээмжтэй байдлаар олон цэгт худалдаалах үүрэг өглөө.
