Шударга өрсөлдөөн, хэрэглэгчийн төлөө газраас Улсын Их Хурлын ээлжит сонгуулийн жил болж буйтай холбогдуулан сонгуулийн хууль зөрчигдөхөөс урьдчилан сэргийлэх сургалтыг 21 аймагт зохион байгуулж байна. Энэ хүрээнд ШӨХТГ-ын Хэрэглэгчийн эрхийг хамгаалах, зар сурталчилгааны газрын дарга Ц.Тэрбишээр ахлуулсан ажлын хэсэг 2024 оны 04 дүгээр сарын 24-ний өдөр Говьсүмбэр аймагт ажиллалаа.
Сургалтад аймгийн ЗДТГ, Төрийн захиргааны байгууллагын албан хаагчид, улс төрийн нам, орон нутгийн хэвлэл мэдээллийн байгууллагын төлөөллүүдийг оролцуулан зохион байгуулж, сонирхсон асуултад хариулт өгч, сонгуулийн сурталчилгаатай холбоотой зөвлөмж, мэдээлэл хүргэлээ.