Шударга өрсөлдөөн, хэрэглэгчийн төлөө газар нь Монгол Улсын Их Хурлын сонгуулийн тухай хуулийн 39 дүгээр зүйлийн 39.5, 46 дугаар зүйлийн 46.13, 48 дугаар 48.1.7, 48.7-д заасны дагуу хуулиар тогтоосон харьяаллын хүрээнд сонгуулийн сурталчилгааны зарим хэсэгт хяналт тавих чиг үүргийг хэрэгжүүлдэг.
Энэ хүрээнд Агентлагийн даргын 2024 оны 04 дүгээр сарын 04-ний өдрийн А/24 дугаартай тушаалаар Улсын Их Хурлын сонгуулийн тухай хууль тогтоомж зөрчигдөхөөс урьдчилан сэргийлэх, хуулийн хэрэгжилтийг хангуулах, хууль эрх зүйн мэдлэг олгох сургалт зохион байгуулах ажлын хэсэг 21 аймагт ажиллаж Сонгуулийн сурталчилгаатай холбоотой хууль, эрх зүйн мэдлэг, мэдээлэл олгох сургалт, уулзалтыг тус аймгийн ЗДТГ, орон нутгийн хэвлэл мэдээллийн байгууллагын ажилтан, албан хаагчид мөн улс төрийн намын төлөөллүүдийг хамруулан зохион байгуулахаар төлөвлөн ажиллаж байна.
