Монгол улсын Хүүхдийн эрхийн тухай хууль, аймгийн Засаг даргын 2021-2024 оны үйл ажиллагааны хөтөлбөрийг хэрэгжүүлэх арга хэмжээний төлөвгөөний хүрээнд хүүхдийн хөгжих, нийгмийн амьдралд оролцох эрхийг хангах, хүүхэд бүрийн авьяас чадварыг нээн илрүүлж, хөгжүүлэх, ардын болон орчин үеийн урлагийг түгээн дэлгэрүүлэх, хүүхэд багачуудын урлагийн боловсрол гоо зүйн мэдрэмжийг нэмэгдүүлж соён гэгээрүүлэх зорилгоор АЗДТГ, Хүүхэд, гэр бүлийн хөгжил, хамгааллын газар, Боржигин чуулга хамтран зохион байгуулж байна.
Наадмын ахлах насны ангилал 04 дүгээр сарын 17-ны өдөр зохион байгуулагдаж байна. Нээлтийн үйл ажиллагаанд аймгийн Засаг даргын Орлогч Б.Наранбаатар оролцож, сурагчдад мэндчилгээ дэвшүүлэн амжилт хүслээ.
Яргуй 2024 наадам 6 төрлөөр зохион байгуулагдаж байгаа бөгөөд ерөнхий шүүгчээр Монгол улсын гавьяат зүтгэлтэн удирдаач, хөгжмийн зохиолч З.Дашням, шүүгчээр аймгийн Соёл, урлагийн газрын урлаг, уран бүтээл хариуцсан мэргэжилтэн Оюунжаргал, Дуу бүжгийн Боржигин чуулгын Дуучин Батхүү нар шүүн явуулж байна.
