Говьсүмбэр аймгийн Нэгдсэн эмнэлгийн хамт олны зүгээс аймгийн Онцгой комисст бэлэн мөнгөний хандивыг хүлээлгэн өгч, “Говьсүмбэрчүүдээ малчиддаа тусалъя” аянд нэгдлээ.
Мөн “Бид хамтдаа аян”-ны хүрээнд Удирдлага мэдээллийн алба, үйлчилгээ дэмжих албаны 9 хүний бүрэлдэхүүнтэй баг Дундговь аймгийн Баянжаргалан суманд хаваржиж байгаа Нэгдсэн эмнэлгийн малчин өрхөд 47 боодол өвс болон хүнс тэжээлийн дэмжлэг үзүүлж, цас зудын хүнд нөхцөлд байгаа Сүмбэр сумын Уулзвар багийн 2 малчны хотонд очин малчдын биеийн ерөнхий байдлыг үзэж зөвлөгөө өгч, малын хорооны цас мөсийг арилгах, үхсэн малын сэг зэмийг зөөж зайлуулах, болзошгүй шар усны үерийн аюулаас урьдчилан сэргийлэх ажлыг тус тус зохион байгуулан ажилласан байна.
