Монгол Улсын Их Хурлын 2021 оны “Шинэ сэргэлтийн бодлого батлах тухай” 106 дугаар тогтоолын 1 дүгээр хавсралтын 6.1 лэх хэсэгт “Төрөөс үзүүлэх үйлчилгээг цахимжуулж, төрийн хүнд суртлыг бууруулах, гэж заасныг хэрэгжүүлэх ажлын хүрээнд Цахим хөгжил, харилцаа холбооны сайдын 2023 оны А/53 дугаар тушаалаар “Цахим аймаг” бодлогын зөвлөмжийг баталсан.
Дээрх бодлогын зөвлөмжийн хүрээнд орон нутагт үзүүлдэг үйлчилгээг дахин загварчлах, шинээр үзүүлэх үйлчилгээний саналыг авч, орон нутагт харилцан адилгүй үзүүлдэг 145 үйлчилгээг 1 стандартад оруулах боломжийг бүрдүүлэх зорилгоор манай аймагт И-Монгол академи УТҮГ Салбар дундын зохицуулалтын газрын Шинжээч Б.Дуламсүрэн, Мэдээлэл технологийн мэргэжилтэн Б.Баянбилэг, Систем нэгтгэлийн газрын ахлах хөгжүүлэгч Т.Өсөхбаяр, ахлах системийн шинжээч С.Цэвээнсүрэн нар 2024 оны 02 дугаар сарын 26,27-ны өдрүүдэд ажиллаж байна. Энэ хүрээнд:
1. Говьсүмбэр аймгаас цахимаар үзүүлдэг 60 үйлчилгээний мэдээллийг шинэчлэх /өөрчлөгдсөн тохиолдолд/
2. Төрийн байгууллагуудтай уулзалт хийж, сургалт арга хэмжээг зохион байгуулах
3. 92 үйлчилгээг шинээр судлах
4. Шинээр оруулах үйлчилгээний санал авах
5. Хэрэглэгчийн судалгаа авах юм.
