Эрдэнэт мал сүргээ төрлөөр нь өсгөн үржүүлж, үүлдэр угсаа, ашиг шимийг нь сайжруулан малч ухаан, туршлагаараа тэргүүлж, Монголын уламжлалт мал аж ахуй нүүдэлчин соёлоо өвлөн тээж яваа Малх багийн малчин Ж.Бат-Очирын өрх гэр бүл улиран одож буй Туулай жилийн “Улсын аварга малчин”-аар шалгарч шагналаа гардан авлаа.
Улсын аварга малчны шагнал, өргөө цагаан гэрийг аймгийн Засаг дарга Г.Батсуурь, аймгийн ИТХ-ын дарга Ш.Билэггүмбэрэл, Сүмбэр сумын Засаг дарга Т.Бат-Эрдэнэ болон албаны хүмүүс малчны хотонд нь очин хүндэтгэлтэйгээр гардуулан өглөө.
Бат-Очирын аав Жийеэ гуай 1992 онд Улсын аварга малчин болж байсан бол ийнхүү 32 жилийн дараа аавынхаа залгамж халааг авч улсын аварга болж байна.
Мал аж ахуйн салбарт олон жил хөдөлмөр бүтээлээ зориулж эрдэнэт сүргийнхээ үүлдэр, угсаа тоо толгойг нэмэгдүүлсэн амжилтаараа ийнхүү эрхэм хүндтэй шагналыг хүртсэн удам дамжсан малчин гэр бүлд баяр хүргэе.
\