Эрдэнэт мал сүргээ төрлөөр нь өсгөн үржүүлж, үүлдэр угсаа, ашиг шимийг нь сайжруулан малч ухаан, туршлагаараа тэргүүлж, Монголын уламжлалт мал аж ахуй нүүдэлчин соёлоо өвлөн тээж яваа Лүн багийн малчин Г.Мөнхбаярын өрх гэр бүл улиран одож буй Туулай жилийн “Улсын аварга малчин”-аар шалгарч шагналаа гардан авлаа.
Улсын аварга малчны шагнал, өргөө цагаан гэрийг УИХ-ын гишүүн, Монгол Улсын сайд Б.Дэлгэрсайхан, УИХ-ын гишүүн Т.Энхтүвшин, аймгийн Засаг дарга Г.Батсуурь, аймгийн ИТХ-ын дарга Ш.Билэггүмбэрэл болон албаны хүмүүс малчны хотонд нь очин хүндэтгэлтэйгээр гардуулан өглөө.
Мал аж ахуйн салбарт олон жил хөдөлмөр бүтээлээ зориулж эрдэнэт сүргийнхээ үүлдэр, угсаа тоо толгойг нэмэгдүүлсэн амжилтаараа ийнхүү эрхэм хүндтэй шагналыг хүртсэн удам дамжсан малчин гэр бүлд баяр хүргэе.
