Монгол улсад шинжлэх ухааны үндэслэлтэй Мал эмнэлэг, үржлийн алба үүсэж хөгжсөний 100 жилийн ойн хүрээнд Говьсүмбэр аймгаас төрөн гарсан Улс, Аймгийн аварга малчдын анхдугаар зөвлөгөөнийг аймгийн Засаг даргын Тамгын газар, аймгийн Хүнс, хөдөө аж ахуйн газар хамтран 2023 оны 06 дугаар сарын 07-ны өдөр зохион байгууллаа.
Аймгийн хэмжээнд бэлчээрийн даац 2 оос 3 дахин хэтэрсэн, малын тоо толгой их байгаа учраас малын тоо толгойг бэлчээрийн хязгаарлагдмал нөөцөд тохируулах асуудал болон малын махыг экспортод гаргах боломжийн талаар хэлэлцлээ.
Зөвлөгөөнд 30 улсын аварга малчин өрх, 57 аймгийн аварга малчин өрх буюу нийт 87 малчин өрх оролцлоо.
