Хүүхэд бүрийн авьяас чадварыг нээн илрүүлж, хөгжүүлэх, бие биенээсээ харилцан суралцах, ардын болон орчин үеийн урлагийг түгээн дэлгэрүүлэх, хүүхэд багачуудын урлагийн боловсрол гоо зүйн мэдрэмжийг нэмэгдүүлж соён гэгээрүүлэх зорилгоор аймгийн Засаг даргын Тамгын газар, Гэр бүл, хүүхэд, залуучуудын хөгжлийн газар, Соёл урлагийн газар, Дуу бүжгийн боржигин чуулга, ерөнхий боловсролын сургуулиуд хамтран цэцэрлэгийн насны “Яргуйхан-2023” урлагийн наадмыг 2023 оны 04 дүгээр сарын 07-ны өдөр зохион байгууллаа.
“Яргуйхан-2023” урлагийн наадам гоцлол дуу, хамтлаг дуу, гоцлол бүжиг, хамтлаг бүжиг, гоцлол хөгжим, хамтлаг хөгжим гэсэн 6 төрөлд сургуулийн өмнөх насны 138 хүүхэд оролцож, нийт 93 хүүхэд шагналт байранд шалгарч , Ж.Оюунгэрэл захиралтай 2 дугаар цэцэрлэгийн баг “ШИЛДЭГ ЦЭЦЭРЛЭГ”-р шалгарлаа.