2019 оны 4 дүгээр сарын 17-ны өдөр “Элэг бүтэн Монгол -3” үндэсний хөтөлбөрийн нээлтийн арга хэмжээг Эрүүл мэндийн газраас аймгийн Ахмадын хороотой хамтран зохион байгууллаа.
Нээлтийн арга хэмжээний үеэр 65-аас дээш насны ахмадуудыг элэгний В, С вирус илрүүлэг шинжилгээнд, мобайл технологийг ашиглан ЭХО, зүрхний цахилгаан бичлэг хийж нийт давхардсан тоогоор 128 ахмад настан үзлэг шинжилгээнд хамрагдсан байна.
Үзлэг, шинжилгээнд хамрагдсан ахмад настанг витаминжуулж, элэгний вирусийн В,С эсрэг эмийн талаар мэдээлэл хийж, нийт 3 төрлийн 87 ширхэг гарын авлага тараасан байна. Нээлтийн арга хэмжээнд Энхтусдэм болон Шивээговь сумын эрүүл мэндийн төв, Их догшин, Говийн сондор, Эм импексийн салбар эмийн сангуудын эмч, эмнэлгийн мэргэжилтнүүд эрүүл мэндийн тусламж үйлчилгээ үзүүллээ.
