Ерөнхий сайдын тушаалаар томилогдсон “ГАЗРЫН ҮНДЭСНИЙ ШИНЭТГЭЛИЙН ХОРОО”-ны ажлын албаны дарга Ц.Ганхүүгээр ахлуулсан ажлын хэсэг 2019 оны 3 дугаар сарын 18-ны өдөр аймаг, сумын ИТХ-ын дарга нар, Засаг дарга нар, аймгийн ЗДТГ-ын Хөрөнгө оруулалт, хөгжлийн бодлого төлөвлөлтийн хэлтсийн дарга, холбогдох мэргэжилтнүүдийг оролцуулан Засгийн газрын “Газрын үнэлгээний тойрог, зэрэглэл (бүс), суурь үнэлгээ шинэчлэн батлах тухай” 182 дугаар, “Улсын газрын зохион байгуулалтын ерөнхий төлөвлөгөө батлах тухай” 384 дүгээр тогтоолын хэрэгжилтийг хангах, геодези, газрын суурь судалгаа, мониторинг, газар зохион байгуулалт, хот байгуулалт, газрын кадастрын чиглэлээр орон нутагт хийгдэж буй болон 2019 онд хийгдэх ажлуудыг чанарын өндөр түвшинд гүйцэтгэхэд анхаарах асуудлуудаар мэдээлэл хийлээ. Мөн Газрын харилцаа, барилга, хот байгуулалтын газрын болон сумдын газрын даамлуудын үйл ажиллагаанд тулгамдаж буй асуудлаар Засаг дарга болон Иргэдийн Төлөөлөгчдийн Хурлын даргатай зөвлөлдөж, санал бодлоо хуваалцлаа.
