2018 оны 05 дугаар сарын 03-ны өдөр төрийн байгууллагын эрх зүйн сургалт, сурталчилгаа хариуцсан албан хаагчид болон багийн Засаг дарга нарт зориулан “Бүх нийтийн эрх зүйн боловсролын дээшлүүлэх нь үндэсний хөтөлбөрийн танилцуулга”, “Эрх зүйн мэдээлэл бэлтгэх, түгээх аргачлал, анхаарах асуудлууд”, “Баримт бичгийн стандарт” сэдвээр сургалт зохион байгууллаа. Мөн Шүүхийн Тамгын газар, аймгийн Прокурорын газартай хамтарч Багийн Засаг дарга нарт “Шүүхийн үйл ажиллагааны талаарх мэдээлэл”, “Гэмт хэргээс урьдчилан сэргийлэх ажилд багийн Засаг даргын оролцоо”, “Багийн Засаг дарга нарт хуулиар олгогдсон эрх хэмжээ, түүнийг хэрэгжүүлэх нь” сэдвүүдээр сургалтыг үргэлжлүүлэн зохион байгуулсан бөгөөд сургалтын гол онцлог нь багийн Засаг дарга нараас 2017 он, 2018 оны 1 дүгээр улиралд гарсан захирамжуудад дүн шинжилгээ хийн танилцуулж, багийн Засаг даргын эрх хэмжээтэй холбоотой хуулиудыг эмхэтгэн багийн Засаг дарга нарт гардуулсан явдал байв. Сургалтын үеэр Хууль, эрх зүйн хэлтсийн дарга Д.Магвансүрэн, Шүүхийн Тамгын газрын дарга Д.Сувд, Прокурорын газрын хяналтын прокурор Б.Мөнгөнтуяа нар иргэдийн эрх зүйн мэдлэгийг дээшлүүлэхэд багийн Засаг дарга нарын үүрэг оролцоо чухал болохыг дурьдаж, цаашид хэрхэн хамтарч ажиллах талаар санал солилцлоо.
