Говьсүмбэр аймгийн хэмжээнд бүртгэгдсэн “Залилах” гэмт хэргийн шинжтэй гомдол мэдээлэл, гэмт хэргийн шийдвэрлэлтийг 2018, 2019 оны 06 дугаар сарын байдлаар аймгийн прокурорын газраас судаллаа.
Судалгаагаар тус аймгийн иргэдийн зүгээс цахим орчны аюулгүй байдлаа сайтар хангадаггүйгээс хувийн мэдээлэл болон нууц үгээ алддаг, “Найз нөхөд, хамаатан садангийн нэрийг барьж мөнгө зээлээч” гэх мессэж онлайн дэлгүүрийн худалдааны үнэн эсэхийг лавлахгүйгээр мөнгө шилжүүлдэг,
UB Лавлах 1900-1950 дугаараас сумын Засаг дарга болон бусад төрийн байгууллагын хүмүүсийн дугаарыг олж аван, тухайн хүмүүс рүү Олон Улсын Жайка гэх мэт байгууллагын нэрийг барьж тусламж өгнө, төсөлд хамруулна гэсэн мэдээллийг нягтлан шалгаагүй, жолооны үнэмлэх гаргаж өгнө, хүүхдийг нь сургуульд оруулж өгнө, Солонгос улс руу явуулах виз гаргаж өгнө, сүлжээний бизенесээр мөнгө олох, өсөх боломж байна зэрэг асуудлуудад хэт итгэсэн зэрэг байдлаас залилан мэхлэх гэмт хэргийн хохирогч болж байгаа нь тогтоогдсон байна.
Дээрх судалгааны дүнд үндэслэн Говьсүмбэр аймгийн прокурорын газраас “Залилах гэмт хэргээс урьдчилан сэргийлэх ажилд иргэдийн оролцоо чухал” сэдэвтэй тараах материал бэлтгэж аймаг, сумдын гэмт хэргээс урьдчилан сэргийлэх салбар зөвлөлд хүргүүллээ.
ГОВЬСҮМБЭР АЙМГИЙН ПРОКУРОРЫН ГАЗАР