Говьсүмбэр аймгийн өсвөр үе, залуучуудын дунд чөлөөт цагийг зөв боловсон өнгөрүүлэх, орон нутагт волейболоор хичээллэгсэдийн тоо нэмэгдүүлэх зорилгоор Волейболын Чойр хөгжлийн “DREAM лиг” – 2019 тэмцээн 2019 оны 2/23 – 3/10 хооронд зохион байгуулагдана. Тус тэмцээнд эрэгтэй 5, эмэгтэй 8 багийн 130 гаруй тамирчид хурд хүч авхаалж самбаагаа сорин өрсөлдөж байгаа билээ. Тэмцээний нээлтийн үйл ажиллагаа 02 сарын 24-ны өдөр эхэлж Аймгийн ИТХ дарга Г.Батзам нээн үг хэлж тамирчдад баяр хүргэн амжилт хүслээ. DREAM лиг -2019 тэмцээний гурван 7 хоногийн турш Монголын волейболын холбооны улсын шүүгч Б.Баярцогт болон аймгийн волейболын холбооны шүүгч нар шүүн явуулж байна.