Багшийн хөгжлийг дэмжих тухай хуулийг байгууллага, сонирхлын бүлгийн түвшинд хамтран хэрэгжүүлэх, багш нэг бүрийн мэдлэг, аргазүй, ур чадварыг нэмэгдүүлэх, цэцэрлэгийн багшид байх ёстой хувийн чадваруудыг хөгжүүлэх зорилгоор Сүмбэр сумын 6 дугаар цэцэрлэгээс санаачлан зохион байгуулсан “БАГШИЙН ХӨГЖИЛ- ХАМТЫН АЖИЛЛАГАА” үйл ажиллагаа амжилттай болж өндөрлөлөө.
Уг үйл ажиллагааны хүрээнд “ Багшийн ёс зүй, ёс суртахууны харилцаа” сэдвийн хүрээнд багшийн ёс зүй, багшийн эерэг хандлага, хандлагын ид шид, бага насны хүүхдийг харилцааны хэм хэмжээнд сургах арга зүй агуулгаар 8 цагийн сургалтыг явуулсан. Сургалтыг боловсрол судлалын магистр үндэсний сургагч багш Г.Бурмаа, Ц.Эрдэнэчимэг нар удирдан зохион байгууллаа.
Мөн цэцэрлэг бүр багш хөгжлийн төвийг тохижуулан багш нарын хамтран ажиллах орчин нөхцөлийг бүрдүүлж, нийт удирдах ажилтан багш нарын хууль эрхзүй, мэргэжлийн онол аргазүйн мэдлэг, сэтгэн бодох чадварыг сорьсон сорил авч дүгнэсэн.
Цэцэрлэгийн багшийн хувийн чадваруудыг илрүүлэх, нэмэгдүүлэх, хөгжүүлэх зорилгоор “Багшийн авьяас” уралдааныг хөгжим тоглох, дуулах , бүжиглэх, жүжиглэх чадваруудыг сорьсон даалгавраар бүх эрхлэгч багш нарыг хамруулан зохион байгууллаа.
Нийлбэр дүнгээр Шивээговь сумын 3 дугаар цэцэрлэг тэргүүлж, Сүмбэр сумын 2 дугаар цэцэрлэг, Төмөр замын Сансар цэцэрлэгүүд удааллаа.
Аймгийн боловсролын дэмжих дэд хөтөлбөрийн санхүүжилтээр зохион байгуулагдсан үйл ажиллагаа нь багшийн хөгжлийг дэмжихэд чухал нөлөө үзүүлсэн үр дүнтэй ажил болсон.
