Говьсүмбэр аймгийн Татварын хэлтээс сургуулийн өмнөх насныхан болон ерөнхий боловсролын сургуулийн бага, дунд ангийн сурагчдад татварын боловсрол олгох, ирээдүйн татвар төлөгчдийн татвар төлөх нийгмийн сэтгэл зүйг төлөвшүүлэх үүднээс утга зохиолын хэлбэрээр дамжуулан улсын хэмжээнд анх удаа санаачлан яруу найрагч Р.Батжаргал, зураач Б.Мөнх-Өлзий нараар 2018 онд бүтээлгэсэн ТООДОЙ ХҮҮ комикс номоо шинэ оны босгон дээр дахин хэвлүүлж, номын дээжээс ЕБС-ийн бага, дунд ангийн сурагчдын уншлагад зориулан Говьсүмбэр аймгийн Номын сангийн фондод хандивлалаа.
Түүнчлэн, энэхүү номыг олон нийтэд таниулах, ЕБС-ийн бага, дунд ангийн сурагчдад татварын талаарх анхны мэдэгдэхүүн олгох, ирээдүйн татвар төлөгчдийн татвар төлөх сэтгэл зүйг төлөвшүүлэх зэрэг үүднээс тус хэлтэс аймгийн Номын сантай хамтран ТАТВАР –НОМЫН АНД аяныг 2019 оны 01 дүгээр сарын 07-ны өдрөөс нэг сарын хугацаанд зохион байгуулан ажиллаж, “Тоодой хүү ном уншиж, ойлгосноо бусдад хэн сайн түгээх вэ уралдаан”-ыг зохион байгуулахаар ажиллаж байна.
