Говьсүмбэр аймгийн Татварын хэлтсээс Төрийн буюу Татварын албаны үйлчилгээг иргэдэд илүү ойр, хүртээмжтэй хүргэх үүднээс 2018 оны 2 дугаар сараас эхлэн нэвтрүүлсэн “ЦАЙНЫ ЦАГ” буюу 12.30-13.30 цагуудад ИРГЭДЭД ҮЙЛЧЛЭХ ЦАГ-аа энэ онд үргэлжлүүлэн ажиллуулж эхэллээ.
Тус хэлтсийн албан хаагчид 2019.01.03-ны өдрөөс 2019.01.16-ны өдрүүдэд 12.30-13.30 цагуудад буюу “Цайны цаг”-аар тогтмол ажиллаж иргэдэд ажлын зав чөлөөгөөрөө тус хэлтсээс үйлчилгээ авах нөхцлийг хангаж байна. Тус ажлын хүрээнд:
- Хувь хүний орлогын албан татварын хөнгөлөлт, чөлөөлөлтөд хамрагдах иргэдэд бүрдүүлэх материал жагсаалт болон ХХОАТ-ын тайлан гаргах арга зүй
- И-баримтын бүртгэл, буцаан олголт авах дансны тохиргоо хэрхэн хийх
- Автотээвэр болон өөрөө явагч хэрэгслийн албан татварын гэрчилгээ олгох, албан татвар хураах
- Татвар төлөгч иргэний орлого, татварын бүртгэлийн дэвтэр олгох зэрэг болон бусад үйлчилгээг үзүүлэх тул иргэд та бүхэн Татварын хэлтсээр 2019.01.03-ны өдрөөс 2019.01.16-ны өдрүүдэд цайны цагаар үйлчлүүлэх боломжтойг дуулгая.