Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-ын дагуу аймгийн Засаг даргын Тамгын газрын Нийгмийн бодлогын хэлтсийн Хөдөлмөр эрхлэлт, нийгмийн хамгаалал, ядуурлын асуудал хариуцсан мэргэжилтэн Буянтогтохын Бурмаа, Сүмбэр сумын Засаг даргын Тамгын газрын Нийгмийн бодлого хариуцсан мэргэжилтэн Баатарын Болорцэцэг, Сүмбэр сумын Засаг даргын Тамгын газрын Хөрөнгө оруулалт, эдийн засаг төлөвлөлт, худалдан авах ажиллагаа хариуцсан мэргэжилтэн Найдансүрэнгийн Мөнхбат, Хүнс, хөдөө аж ахуйн газрын Хяналт шинжилгээ үнэлгээ, дотоод аудит, хүний нөөц, сургалт, тайлан мэдээ хариуцсан мэргэжилтэн Самбуугийн Мөнхжаргал, Эрүүл мэндийн газрын Хүний нөөцийн төлөвлөлт, хангалт, нийгмийн асуудал хариуцсан мэргэжилтэн Дархижавын Батчимэг, Биеийн тамир, спортын газрын Өсвөр үе, залуучууд, ахмад, хөгжлийн бэрхшээлтэй иргэдийн нийтийн биеийн тамир, спорт хариуцсан мэргэжилтэн Батсуурийн Баярмаа, Газрын харилцаа, барилга, хот байгуулалтын газрын Баянтал сумын газрын даамал Бат-Очирын Батчимэг, Хөдөлмөр, халамжийн үйлчилгээний газрын Ахмад настан, өрхийн хөгжил, хөтөлбөрүүдийн хэрэгжилт хариуцсан мэргэжилтэн Бат-Эрдэнийн Ариунжаргал нарын нийт 7 байгууллагын 8 албан хаагчийг 2018 оны 11 дүгээр сарын 22-ны өдөр ёслол хүндэтгэлтэйгээр Төрийн захиргааны албан хаагчийн тангаргийг өргүүллээ. Дээрх албан хаагчид Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж албан үүргээ үнэнч шударгаар биелүүлэхээ тангараглаж, тангарагаа няцвал хуулийн хариуцлага хүлээнэ хэмээн тангараглалаа.
Мөн 2018 онд аймгийн хэмжээнд 16 нас хүрч иргэний үнэмлэхээ гардан авч байгаа 161 хүүхэд байгаа эдгээр хүүхдүүдийн төлөөлөл болох Бат-Эрдэнийн Энхтуул, Цолмонгийн Мөнххүлэг, Магванрагчаагийн Ариунтуул, Ууланбаярын Нямсүрэн, Баянуулын Түшигбаяр, Бэлэгдэмбэрэлийн Отгонцэцэг, Гансүхийн Ану-Үжин, Майнбаярын Ховорцэцэг, Төмөрсүхийн Номин, Эрдэнэбаатарын Хүслэн, Цогболдын Эрдэнэбуян, Эрдэнэ-Очирын Мөнхдөл, Мөнгөнхуягийн Чойсүрэнжав, Мунаагийн Сарантуяа, Баярсайханы Эрдэнэбат нар нь Монгол Улсын иргэний андгай өргөж, иргэний үнэмлэхээ гардан авлаа.
Төрийн захиргааны албан хаагчийн тангараг өргөсөн албан хаагчдад болон Монгол Улсын иргэний андгай өргөсөн сурагчдад Лектор Л.Жаргалсайхан “Дэлхий биднийг дуудаж байна” сэдвээр сонирхолтой лекц уншлаа.
Тангараг өргөсөн төрийн албан хаагчид болон 16 нас хүрч иргэний андгай өргөн иргэний үнэмлэхээ гардан авсан сурагчиддаа цаашдын ажилд нь өндөр амжилтыг нутгийн удирдлага болон иргэдийн өмнөөс хүсэн ерөөе.
