Монголын сагсан бөмбөгийн холбооноос 4 дэх жилдээ зохион байгуулж буй “Мастерс лиг-2018” амжилттай болж Говьсүмбэр аймгаас төрөн гарсан сагсан бөмбөгийн анхны спортын мастер У.Мөнхбаатараар ахлуулан оролцсон манай аймгийн баг аваргаар тодорсон талаар өмнө мэдээлсэн билээ. Тэгвэл өнөөдөр аймгийн Биеийн тамир, спортын газрын дарга, МУГДасгалжуулагч Л.Цэдэнсодном, Биеийн тамир, спортын газрын спортын бэлтгэлийн албаны дарга Б.Буянтогтох, Лигийн аварга багийн тоглогчид болох Сагсан бөмбөгийн холбооны тэргүүн, спортын мастер Д.Батмөрөн, тэргүүлэгч гишүүд болох спортын мастер У.Мөнхбаатар, Г.Мягмарсүрэн нар өнөөдөр аймгийн Засаг дарга Г.Батсуурьтай уулзаж МАСТЕРС ЛИГ-2018”-ын цом, медалийг гардуулан өглөө. Мөн өөрсдийн багш Б.Буянтогтоход дурсгалын медаль гардуулан өгсөн юм.
Б.Буянтогтох нь Говьсүмбэр аймагт сагсан бөмбөгийн спортыг хөгжүүлэхэд өөрийн хувь нэмрээ оруулж, сагсан бөмбөгийн өсвөрийн улсын аварга шалгаруулах тэмцээнээс аймгийн анхны медалийн авхуулж байсан ба түүний шавь нараас аймгийн анхны спортын мастерууд төрөн гарч, шавь У.Мөнхбаатар нь Монголын дээд лигийн 6 удаагийн аваргаар шалгарч, Монголын шигшээ багт Говьсүмбэр аймгаас багтсан анхны тамирчин болсон юм.
Уулзалтын үеэр аймгийн Засаг дарга Г.Батсуурь юуны өмнө Монголын шилдэг тамирчидтай өрсөлдөж лигийн аварга болж аймаг орон нутгийнхаа нэрийг гаргаж байгаад баяр хүргэж цаашдын спортын амжилт хүссэн юм. Мөн орон нутгийн удирдлагуудын зүгээс нийгмийн салбарын хөгжлийн дэмжсэн бодлогыг хэрэгжүүлж байгааг дуулгаж үүний хүрээнд аймаг орон нутагт гарч байгаа ахиц дэвшлийн талаар танилцуулж, ялангуяа спортын салбарынхны амжилт өндөр байгаа бөгөөд бүхий талаар дэмжин ажиллахаа илэрхийлсэн юм.
Цаашид спортыг хөгжүүлэх, аймаг орон нутгаа хөгжүүлэх үйлсэд хувь нэмрээ гаргаж, аймаг орон нутгаа гэсэн хэн бүхэнтэй хамтран ажиллахаа хэллээ.
