Говьсүмбэр аймгийн удирдах ажилтнуудын 2017 оны 26 дах удаагийн шуурхай зөвлөгөөн 2017 оны 12 дугаар сарын 25-ны өдөр аймгийн Засаг даргын Тамгын газарт боллоо.
Удирдах ажилтны шуурхай зөвлөгөөнд Сүмбэр, Баянтал, Шивээговь сумдын Засаг дарга нар, аймгийн Шүүхийн шинжилгээний алба, Уул уурхайн жишиг сургууль Политехник коллеж, Онцгой байдлын газар, Цагдаагийн хэлтсийн дарга нар цаг үеийн асуудлуудаар мэдээлэл хийлээ.
Шуурхай зөвлөгөөнөөр Аймгийн Засаг дарга Г.Батсуурь шинэ жилийн баяртай холбогдуулан бүх аж ахуйн нэгж, байгууллагууд хариуцлагатай жижүүр томилон ажиллуулах үүрэг даалгаварыг өгч хариуцлагатай ажиллахыг үүрэг болгов.
Мөн цахилгаан, ус, дулаанаар хангагч байгууллагууд баярын өдрүүдэд хариуцлагатай ажиллах, цахилгаан, ус, дулааныг тасалдуулахгүйгээр хэвийн нөхцлийг хангаж ажиллахыг даалгалаа.