Төр, хувийн хэвшлийн хамтын ажиллагааны хүрээнд Говьсүмбэр аймгийн Сүмбэр сумын “9 байршилд 1200 айлын нийтийн орон сууц, 2 байршилд 50 айлын хаус хорооллын төсөл сонгон шалгаруулалт”-ыг 2024 оны 03 сарын 27-оос 04 сарын 10-ны өдрийн 15:00 цаг хүртэл төсөл сонгон шалгаруулалтын баримт бичгийг Говьсүмбэр аймгийн Засаг даргын Тамгын газарт хүлээн авна.
Төслийн нээлт, танилцуулга 2024 оны 03 дугаар сарын 27-ны өдөр зохион байгуулагдаж, уулзалтанд аймгийн Засаг дарга Г.Батсуурь, Орлогч дарга Б.Наранбаатар, Сүмбэр сумын Засаг дарга Т.Бат-Эрдэнэ, Ус-Ду ОНӨААТҮГ, ГХБХБГ, БЗӨБЦТС ТӨХК ГСС, орон нутагт барилгын салбарт үйл ажиллагаа явуулж буй иргэн, аж ахуйн нэгж, Барилга угсралт, зураг төсөл, банк, санхүүгийн байгууллагын төлөөлөл, барилгын материал үйлдвэрлэгчид нийт 30 аж ахуй нэгж оролцож, хэлэлцүүлэг зохион байгуулагдлаа.
Энэ үеэр инженерийн дэд бүтцэд хангагдах боломжийг төрийн зүгээс бодлогын түвшинд шийдвэрлэхээ аймгийн удирдлагууд илэрхийлсэн юм.
Мөн Улаанбаатар хотоос зорин ирсэн барилга угсралт, зураг төслийн компаниуд Төсөл сонгон шалгаруулалтын байршлуудтай газар дээр нь танилцлаа.