Говьсүмбэр аймгийн Хөдөлмөрийн аюулгүй байдал, эрүүл ахуйн салбар зөвлөл нь Аймгийн Засаг даргын 2023.04.10-ны өдрийн А/106 дугаар тоот захирамжаар үүрэг хүлээж аймгийн Засаг даргын Орлогчоор ахлуулж, 10 гишүүний бүрэлдэхүүнтэйгээр ажилладаг.
Өнөөдрийн хуралдаанаар 2023 онд ХАБЭА чиглэлээр хийсэн ажлын тайланг танилцуулж, 2024 онд хийх ажлын төлөвлөгөө боловсруулж, мөн Олон улсын хөдөлмөрийн байгууллагаас жил бүрийн 04 дүгээр сарын 28-ны өдрийг “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр” болгон олон улсын хэмжээнд тэмдэглэж байхаар шийдвэрлэснийг үндэслэн 04 дүгээр сарыг аймгийн хэмжээнд “Хөдөлмөрийн аюулгүй байдал, эрүүл ахуйн” сарын аян болгон зарлаж томоохон ажлуудыг 3 сумын ХАБЭА салбар зөвлөл болон, аж ахуйн нэгж байгууллагуудтай хамтран хэрэгжүүлэхээр төлөвлөж ажилласан байна.