Энэ онд Монгол Улсад биеийн тамир спортын салбар үүсэж хөгжсөний түүхт 100 жил, Говьсүмбэр аймаг байгуулагдсаны 30 жилийн ойг угтан улс, бүсийн олон тэмцээн уралдаануудыг орон нутагтаа зохион байгуулж байгаа бөгөөд үүний нэг нь Монголын волейболын холбооны идэрчүүдийн волейболын зүүн бүсийн аварга шалгаруулах тэмцээн юм.
Тэмцээний нээлтийн үйл ажиллагаанд аймгийн Засаг дарга Г.Батсуурь оролцож, баг тамирчдад мэндчилгээ дэвшүүлэн амжилт хүслээ.
Зүүн бүсийн аварга шалгаруулах тэмцээнд Дорнод, Хэнтий, Сүхбаатар, Дорноговь, Говьсүмбэр аймгийн охидын 6, хөвгүүдийн 10 баг өрсөлдөж байна. Шалгарсан баг тамирчид Дорнод аймагт зохион байгуулагдах Улсын аварга шалгаруулах тэмцээнд оролцох эрхээ авна.