Зудыг хохирол багатай даван туулах, малчдын амьжиргааг дэмжих чиглэлээр Засгийн газар болон Улсын онцгой комиссоос хэрэгжүүлж байгаа арга хэмжээг уялдуулан зохицуулах, хэрэгжилтийг хангуулах зорилгоор Улсын Онцгой комиссын даргын 2024 оны 02 дугаар сарын 17-ны өдрийн 02 дугаар тушаалаар томилогдсон шуурхай бүлэг Говьсүмбэр аймагт ажиллаж байна.
Өвөлжилт хүндэрсэн сумдад Улс болон аймгийн нөөцөөс өвс, тэжээл, үнэгүй олгох ажлыг зохион байгуулж байна. Малчин өрхөд хүнсний багц, эмнэлгийн тусламж үзүүлэх эм, тариаг Онцгой байдлын ерөнхий газрын Ажиллагааны удирдлагын газрын мэргэжлийн удирдлагын хэлтсийн дарга, хурандаа Л.Тамир ажлын хэсгийн хамт гардуулан өглөө.
