Шаравын Насанбуянгийн нэрэмжит Говьсүмбэр аймгийн нэгдсэн эмнэлгийн яаралтай түргэн тусламж мэдээгүйжүүлэг эрчимт эмчилгээний тасгийг Монгол Улсын хүний гавьяат эмч Ядамжавын Минжүүрийн нэрэмжит болгох тухай аймгийн иргэдийн Төлөөлөгчдийн Хурлын 2023 оны 11 дүгээр сарын 12-ны өдрийн 04 дүгээр тогтоолыг аймгийн ИТХ-ын дарга Ш.Билэггүмбэрэл Нэгдсэн эмнэлгийн удирдлага, салбарын алба хаагч, Минжүүр эмчийн гэр бүлийнхэнд гардуулж өглөө.
Яаралтай түргэн тусламж мэдээгүйжүүлэг эрчимт эмчилгээний тасгийг Монгол Улсын хүний гавьяат эмч Ядамжавын Минжүүрийн Нэрэмжит болгох ёслолын үйл ажиллагаанд, аймгийн ИТХ-ын дарга Ш.Билэггүмбэрэл, аймгийн Засаг дарга Г.Батсуурь, Эрүүл мэндийн газрын дарга Ц.Мөнх-Од, Нэгдсэн эмнэлгийн дарга Э.Ариун-Эрдэнэ, салбарын албан хаагчид болон Я.Минжүүр агсаны гэр бүлийнхэн оролцлоо.
Энэ үеэр Диализ эмчилгээ нэвтрүүлсэнтэй холбогдуулан Эрчимт эмчилгээний өрөөг тохижуулж шаардлагатай тоног төхөөрөмжийг Хүний гавьяат эмч Я.Минжүүр агсаны гэр бүлээс монитор-2, зүрхний бичлэгийн-1, Дебибарлятортой монитор-1, Аймгийн Засаг даргын Тамгын газраас Гишээрийн аппарат-1, Хийн оношлогооны аппарат-1, дуслын болон тарианы автомат шахуурга-1, яаралтай тусламжийн шүүгээ-1 хүлээлгэн өглөө.
Мөн аймгийн Нэгдсэн эмнэлгийн дотрын тасгийн 2 өрөөг Аймгийн Засаг даргын Тамгын газраас иж бүрэн тохижуулж хүлээлгэн өглөө.
