Хөгжлийн бэрхшээлтэй иргэдийн эрхийг хамгаалах өдрийг 2023 оны 12 дугаар сарын 03-ны өдөр тэмдэглэн өнгөрүүллээ. Тус арга хэмжээнд аймгийн Засаг даргын Тамгын газрын Нийгмийн бодлогын хэлтсийн дарга Т.Баясгалан, Хөдөлмөр, халамж үйлчилгээний газрын Халамжийн иргэдийг хариуцсан дарга Үржинханд болон 120 хөгжлийн бэрхшээлтэй иргэн оролцож, тулгамдаж буй асуудал болон дэмжлэг үзүүлэх талаар санал бодлоо солилцлоо.
Мөн энэ өдрийн хүрээнд Боржигон чуулгын уран бүтээлчид ая дууны мэндчилгээ дэвшүүлж, илтгэгч Б.Цолмонбаярын “Амьдрах ухаанд суралцах” сургалт, бүжиг, сугалаа, даам, шагай наадгай, гар барилдаан зэрэг үйл ажиллагаа, тэмцээн зохион байгуулагдаж, нийт 21 иргэнийг шагнаж урамшуулав.
Энэ үеэр “Сүмбэр сумын Засаг даргын жуух бичиг”-ээр 2 хөгжлийн бэрхшээлтэй иргэн шагнагдлаа.
