Аймгийн Засаг даргын Тамгын газрын Хууль эрх зүйн хэлтсээс “Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах ашиг сонирхлын зөрчлөөс урьдчилан сэргийлэх тухай хууль”-ийн хүрээнд хувийн ашиг сонирхлын мэдүүлэг, хөрөнгө орлогын мэдүүлгийг бүртгэх, хянах, хадгалах эрх бүхий албан тушаалтнуудын хууль эрх зүйн мэдлэгийг дээшлүүлэх, мэтгэлцэх, багаар хамтран ажиллах ур чадварыг ахиулах зорилгоор 2023 оны 11 дүгээр сарын 20-ны өдөр Карл Попперийн мэтгэлцээний тэмцээнийг амжилттай зохион байгууллаа.
Мэтгэлцээний тэмцээнд Эрүүл мэндийн газрын ЭБАТ/Эрх бүхий албан тушаалтан/ Д.Батчимэгээр ахлуулсан “Соёмбо” баг 1 дүгээр байранд, Цагдаагийн хэлтсийн ЭБАТ Д.Нэргүйгээр ахлуулсан “Шонхор” баг 2 дугаар байранд, Мал эмнэлгийн газрын ЭБАТ А.Алтангартаамаар ахлуулсан “Сүлд” баг 3 дугаар байранд, Байгаль орчин, аялал жуулчлалын газрын ЭБАТ Б.Гандуламаар ахлуулсан “Хөгжил” баг тусгай байранд шалгарсан байна.