Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн шинэчилсэн найруулгын төслийг Улсын Их Хурлын чуулганы 2023 оны 06 дугаар сарын 16-ны өдрийн нэгдсэн хуралдаанаар баталсан бөгөөд 2023 оны 12 дугаар сарын 01-ний өдрөөс дагаж мөрдөхөөр заасан.
Дээрх хуулийн хэрэгжилтийг хангах зорилгоор шинэчилсэн хуулийн дагуу худалдан авах ажиллагааны мэргэшсэн ажилтны сургалтыг САНГИЙН ЯАМНЫ ХУУЛЬ, ЭРХ ЗҮЙН ГАЗРЫН ХУДАЛДАН АВАХ АЖИЛЛАГААНЫ БОДЛОГЫН ХЭЛТЭС, Дэлхийн банкны “Тогтвортой амьжиргаа-3” төсөлтэй хамтран Говьсүмбэр аймагт 2023 оны 11 дүгээр сарын 10-ны өдөр зохион байгуулж, төрийн байгууллагын 61 албан хаагч хамрагдлаа.
