Боловсрол, шинжлэх ухааны яам, Боловсрол, соёл, шинжлэх ухаан, спортын байнгын хороо, Боловсролын үнэлгээний төв хамтран Говьсүмбэр аймгийн Сургуулийн өмнөх боловсрол, Ерөнхий боловсролын байгууллага, Мэргэжлийн боловсролын байгууллагын багш ажилтнуудад Боловсролын ерөнхий хуулийн хэрэгжилтийн талаар танилцуулга хийж, хэрэгжилтийн явцад тулгамдаж буй асуудлуудын талаар хэлэлцлээ.
Хууль танилцуулах уулзалтад Улсын Их Хурлын гишүүн, БСШУСпортын байнгын хорооны дарга Г.Мөнхцэцэг, аймгийн Иргэдийн төлөөлөгчдийн хурлын дарга Ш.Билэггүмбэрэл, аймгийн Засаг даргын орлогч Б.Наранбаатар, БШУЯамны Бодлого төлөвлөлтийн газрын ахлах шинжээч Нарантуяа, Боловсролын үнэлгээний төвийн мэргэжилтэн Янжинжав, Улсын Их Хурлын БСШУСпортын байнгын хорооны зөвлөх Лхагвасүрэн болон аймгийн боловсролын салбарын удирдах ажилтнууд, СӨБ, ЕБС, МБСБ-ын 250 багш, ажилтан оролцлоо.
Мөн энэ үеэр “Эх соёл -Их үндэс” хөтөлбөрийн багш нарыг компьютержуулах ажлын хүрээнд 200 ширхэг зөөврийн комьпютерийг хүлээлгэн өглөө. Ингэснээр аймгийн хэмжээнд багш нарын компьютерын хүртээмж бүрэн хангагдаж байна.
