Хүүхэд багачуудын спортын авьяас билгийг нээн хөгжүүлэх, тэдэнд өөрийгөө нээх боломж нөхцөлийг хангах, хувийн ур чадвар, багийн тоглолтыг сайжруулах, багш нарын хамтын ажиллагаа багаар ажиллах чадварыг нэмэгдүүлэх, өсвөр үеийнхний дунд спортын нөхөрлөлийг бий болгон бэхжүүлэх зорилгоор аймгийн хүүхдийн спортын “БАГА ОЛИМП” аймгийн Ерөнхий боловсролын сургуулиуд, Политехник коллежийн сурагчдын дунд зохион байгуулагдаж байна.
Наадам шатар, даам, жудо бөх, чөлөөт бөх, ширээний теннис, футзал, волейбол, сагсан бөмбөг, хөнгөн атлетик зэрэг спортын 9 төрлөөр 3-6 насны ангиллаар 2023 оны 09 дүгээр сарын 29-ний өдрөөс 10 дугаар сарын 29-ний өдөр хүртэл аймгийн Биеийн тамир спортын газрын заал, 1, 2, 5 дугаар сургуулийн спорт зааланд хуваарийн дагуу зохион байгуулагдаж байна.
