Дотоод үйлдвэрлэгчдийн борлуулалтыг дэмжих, үйлдвэрлэсэн бүтээгдэхүүнийг сурталчлах, түншлэгч, түүхий эд бэлтгэгчээ олоход туслах зорилгоор жил бүр уламжлал болгосон “Говийн бүсийн түншлэл 2023” арга хэмжээ Боржигин чуулгын гадна талбайд зохион байгуулагдаж байна.
Аймгийн Засаг дарга Г.Батсуурь үзэсгэлэн худалдаанд оролцогч иргэн аж, ахуйн нэгжүүдийн бүтээгдэхүүн үйлчилгээтэй танилцаж, үзэсгэлэн худалдаанд үйлчлүүлж байгаа иргэдтэй уулзалт хийлээ.
Үзэсгэлэн худалдаанд орон нутгийн 40 гаруй иргэн, аж ахуй нэгж сүү цагаан идээ, шинэ ургацын ногоо, гар урлал, хагас боловсруулсан бүтээгдэхүүн, мах махан бүтээгдэхүүн, өрхийн болон жижиг дунд үйлдвэрлэл эрхлэгчид өөрсдийн бүтээгдэхүүн үйлчилгээгээр оролцож байна.
Үзэсгэлэн худалдаа 09 дүгээр сарын 14,15-ны өдрүүдэд зохион байгуулагдах тул иргэд та бүхэн өргөнөөр оролцоно уу.